إلى مدونتي

وساعات بحس إني مليش غيرك، ياااه انتى مستحملة معايا كتير أوي، بكتب وأرغي وأفضفض، مش بتزعلي وﻻ بتصدعي وﻻ بخاف منك،ولسه عندك استعداد تشيلي كمان وكمان، أنا بحبك أوي ، إنتي عارفه ده مش كده؟ ولو مش عارفاه فأنا بقولهولك ..إنتى أكتر حاجه أنا بحبها.
انت اللى مش بتبيعي وﻻ بتهربي وﻻ بتزعلى وﻻ بتغضبي، انتى اللي مش بتغيري ومش بتملي ومش بتكرهي، انتى مستودع أسرار أمين، وركن دافي فيه كل حاجه بحبها....ورق وقلم وقهوة وموسيقى.