احتفالية يوم الميﻻد

نزلت من الشغل ...آه نسيت ، خليني اكتب بطريقة منظمة اكتر شويه
اليوم الثلاثاء
التاريخ 17-11-2015
الساعه حوالي 7.30 مساءا
رغم  انه زعﻻن مني اﻻ انه قرر ينسى كل ده على الاقل النهارده
نزلت من شغلي لقيته قدامي..مستني اكتر من ساعه
وردة حمرا بين صوابعه بتداري احلى ابتسامه قابلتها، ابتسامه صافية شايله كمية حب و ود متتوصفش، وبأحلى صوت قالي:كل سنة وانتى طيبة
مبقتش عارفه اقوله ايه..اقوله انت احلى حاجه عندي وﻻ انى طايره من الفرحة جوايا وﻻ اني كنت عارفه انه هيجي ومتأكده من ده وﻻ اني عارفه انه مش هيخذلني أبداً
رديت بابتسامة هادية:وانت طيب
مد ايده بالوردة واخدتها، كان نفسي اقوله مش عايزه ورد...كفاية انك موجود قدام عينيا دلوقتي
مشينا جنب بعض حبه كان بيبصلي فيهم كل شويه وقبل ما الشارع يخلص قالي:انا همشي معلش عشان عندي مشوار ضروري...بس مكانش ينفع النهارده يعدي ومشوفكيش
قلتله:ده مكانش ينفع يعدي وانا اللي مشوفكش وازاي يبقاله طعم من غير ما تكون فيه
أحلى احتفال بيوم ميﻻدي
وكل يوم انت معايا بالنسبة لي هدية
أحبك...وﻻ أكتفي