يا من أحببت

لما قالي هبيعك كان نفسي أقوله إنت كداب
إستحاله صورتك تتهز قدامي، إستحاله تخليني افتكر ان البني آدم اللى اديته اﻷمان وصدقت كل كلمة بيقولها طلع وهم كبير،إستحاله تخليني افتكر انك هتديني ضهرك وتمشي حتى لو إنت بتعمل ده فعﻻ....عايز تعرف ليه؟؟ عشان انا مصدقاك ومصدقة كل كلمة قلتهالي ومش هبطل اصدق ده.
لو مشيت فإنت هتفضل معايا، أنا صدقتك اكتر ما صدقت نفسي، لما كنت بتتكلم مكانش بيجي ف بالي ان كﻻمك فيه شك ولو 1% ولسه مصدقه ده ولسه بقول لنفسي وبكل ثقة...هو..مش..هيسيبني..ابدا.
إنت أحلى هدية جاتلي في عمري كله، أحلى تعويض من الدنيا على كل حلم حلمته ومتحققش، عارف يعني ايه لما حد يراضيك بهدية كبييرة، إنت الهدية دي.
معاك مساحة راحة. .أخ وصديق وحبيب..معاك مرسى ألف وارجعله مهما حصل..إنت...إنت أحلى حاجه في دنيتي..هفضل أحكيلك واتكلم معاك حتى لو مشيت..عارف ليه؟ عشان صدقتك لما قلت هسمعك ومش هزهق منك.
هتفضل حبي أنا مش حب حد تاني وحبيبي أنا مش حبيب حد تاني.